الأخبار
عادت البرسا عادت المتعة كرة القدم

July 29, 2020, 6:57 am



عادت البرسا فعادت المتعة

ايه المتعة دي يا برسا.... برشلونا بعد الكرونا يرجع و يقدم مباراة جيدة جدا و يفوز علي ريال مايوركا بأربع اهداف كلهم اجمل من بعض.... 

لكن ايه الجمال ده يا ميسي.... ميسي بنيو لووك 2005 بيمتعنا و يسجل هدف و يصنع هدفين و قدم مباراة فعلا ممتازه جدا.... و برضه هدف فيدال المبكر اللى في ال دقيقة 1:04 ساعد برشلونه على إكتساح مايوركا بالشكل الممتع ده.....

بالفوز ده برشلونه بيضغط علي ريال مدريد و يوسع الفارق إلى خمس نقاط قبل مباراة الريال و إيبار غدا ان شاء الله....

اجمل ما في اللقاء هو الإخراج التلفزيوني و حلاوة إضافة صوت الجماهير الافتراضيه لأنها معموله بشكل روعه فكان صوت الجمهور بيعلي مع كل هجمه و كل هدف و خلانا نحس بحلاوة الكورة تاني و كأن الجمهور موجود فكرة جميلة و تنفيذ روعه برافو

Y Barca, Y Barca, Y Barca,
Barca, Barca!...

Y Barca, Y Barca, Y Barca, 
Barca, Barca!...

 البرسا يعبر بلباو بصعوبة

في مباراة عصيبة و صعبة جدا برشلونة بيحقق انتصار غالي في الكامب نو 1-0 علشان يفرح جمهوره الكبير اللي كان منه جمهور مش قليل خارج الاستاد.... 

فوز مهم جدا لسيتين المدير الفني للبرسا علشان ترجع الثقة بعد التعادل مع اشبليه الماتش اللي فات.... الحاجة الثانية الفوز ده رد اعتبار للبرسا بعد هزيمة الدور الأول اللي كان سجله أودوريز في الوقت القاتل لو فاكرين ......بصفه عامة أداء البرسا مازال مش كويس لكن الفوز بالثلاث نقاط في مثل الظروف ديه بيكون شيء مصيري للإستمرار علي المنافسة.....

هدف ركاتيتش الجميل فيه لمسه ساحرة من ميسي اكتر من اجتهد في المباراة و على فكرة ميسي بالتأكيد  بيصلح الكورة لركاتيتش هو كان بيراوغ ليكملها هو داخل المرمي.... كان نفسه يسجل الهدف ال700 في تاريخ لكن لسه موعد الهدف هذا  لم يأتي بعد  ....

الجانب الإيجابي للبرسا هي عوده سواريز للتشكيله الأساسية بس طبعا لسه بعيد جدا عن مستواه قدام المرمي ... مع إني أعتقد انه حيرجع بسرعة للشكل اللي احنا عارفينه عنه

اجمل ما في المباراة هو حضور جمهور رمزي للبرسا خارج اسوار الكامب نو لمساندة الاعبين في الوقت الصعب ده من الموسم بالذات بعد ما ريال مدريد عاد بقوة للمنافسة من بعيد.... واخر نقطة مشاركة ريكي بويج صاحب ال20 سنة الولد الصغير في نصف الملعب و قدم حيوية مطلوبه للبرسا... المنقذ راكي أنقذهم بوضع يصعب على برشلونة حيث أرجع لهم الصدارة مؤقتا في أنتظار مباراة الغريم ريال مدريد 

Barcelona

Barcelona

¡Barcelona

Barcelona!
Barcelona!
¡Barcelona!..
نستمر بالتحدث وبمناسبة رجوع اللايغا الأسبانية والبندسليغا نرجع بذاكرتنا إلى الماضي الجميل ونتذكر بعض الأمور الرائعة في عالم كرة القدم مثل الهدافين وأفضل اللاعبين والكثير الكثير الكثير نسترجع كل شيئ بذاكرتنا تفضلو معنا ونبدأ .
Gerd Müller

The Boomber 
كلنا طبعا عارفين مهاجمين متميزين زي لويس سواريز اجويرو ليفاندوفسكي ابراهيموفيتش او اقدم شوية رونالدو ايتو دروجبا روماريو و القايمة فيها كتير جدا من مهاجمين او Strickers عملوا ارقام و اداء مش ممكن تتنسي .... لكن في مهاجم فذ بمعني الكلمة هداف صعب تلاقي زيه في ثبات مستواه و حضورة داخل منطقة الجزاء هو جيرد موللر الألماني.....
موللر ولد في المانيا سنه 1945 في مدينه Nördlingen..... و ابداعة كله كان مع نادي بايرن ميونخ اللي انتقل له سنه 1964...

موللر هو المهاجم الوحيد اللي سجل 40 هدف في الدوري الألماني في موسم واحد سنه 1972 و مازال الرقم ده لم يحطم...... كان هداف الدوري في سبع مواسم مختلفه في البونزليجا: 
1967,1969, 1970, 1972, 1973, 1974 1978
و افضل هداف في أوروبا موسمين 1970, 1972 و افضل لاعب في ألمانيا 1967, 1969 و أفضل لاعب في أوروبا 1970...

ابداع موللر كانت في ازاي يكون دايما متواجد في المكان الصحيح بتوقع خارق للكورة..... تسجيل الأهداف مع موللر كان بسلاسة عجيبه بيمينه و شماله ده غير ضربات الرأس .... و طبعا تسديد من خارج منطقة الجزاء مهاجم متكامل زي مابقول صعب نشوف زيه تاني
أرقامه مع بايرن ميونخ مرعبة فهو لعب 427 سجل 365 هدف 
موللر حقق كل البطولات حتي كأس العالم مع المنتخب الألماني سنه 1974 و كل البطولات طبعا مع بايرن ميونخ.....
 استمتعوا بجزء من أهدافه ....

و ده هتاف الجماهير الألمانية له :
Dann macht es bumm, ja, und dann kracht's
Und alles schreit: "Der Müller macht's!"
Dann macht es bumm, dann gibt's ein Tor
Und alles schreit dann: "Müller vor!"

Dann macht es bumm, ja, und dann kracht's
Und alles schreit: "Der Müller macht's!"
Dann macht es bumm, dann gibt's ein Tor
Und alles schreit dann: "Müller vor!"















منشورات شائعة